நீங்கள் தேடியது "கரிபியன் பிரீமியர் லீக்"

வெஸ்ட் இண்டீஸில் கரிபியன் பிரீமியர் லீக் டி20 கிரிக்கெட் தொடர் நடைபெற்று வருகிறது. நேற்று நடைபெற்ற ஆட்டம் ஒன்றில் பார்படோஸ் டிரிடென்ட்ஸ் - செயின்ட் கிட்ஸ் அண்டு நேவிஸ் பேட்ரியாட்ஸ் அணிகள் மோதின.

முதலில் பேட்டிங் செய்த பார்படோஸ் டிரிடென்ட்ஸ் 147 ரன்கள் சேர்த்தது. பின்னர் செயின்ட் கிட்ஸ் அண்டு நெவிஸ் பேட்ரியாட்ஸ் அணி பேட்டிங் செய்தது. அப்போது முதல் ஓவரை பாகிஸ்தான் அணியின் இடது கை வேகப்பந்து வீச்சாளர் முகமது இர்பான் வீசினார். இந்த ஓவரின் முதல் பந்திலேயே கிறிஸ் கெய்லை வீழ்த்தினார்.

அதன்பின் அபாரமான பந்து வீச்சை வெளிப்படுத்தினார். தொடர்ந்து நான்கு ஓவர்களையும் வீசினார். அவர் பந்தை செயின்ட் கிட்ஸ் அணி பேட்ஸ்மேன்களால் தொடக்கூட முடியவில்லை. 23 பந்தில் ரன்ஏதும் விட்டுக்கொடுக்கவில்லை.



இதனால் கடைசி பந்திலும் ரன் விட்டுக்கொடுக்காமல் சாதனைப் படைப்பார் என்று எதிர்பார்க்கப்பட்டது. ஆனால் கடைசி பந்தில் ஒரு ரன் விட்டுக்கொடுத்தார். இதன்மூலம் நான்கு ஓவரில் 3 மெய்டனுடன் ஒரேயொரு ரன் மட்டும் விட்டுக்கொடுத்து (4-3-1-2) 2 விக்கெட் வீழ்த்தினார்.

இதன் மூலம் டி20 கிரிக்கெட் வரலாற்றில் நான்கு ஓவர் ஸ்பெல்லில் ஒரேயொரு ரன் மட்டும் விட்டுக்கொடுத்த முதல் வீரர் என்ற சாதனையைப் படைத்துள்ளார்.

கரிபியின் பிரீமியர் லீக் டி20 போட்டியில் புளோரிடாவில் நடைபெற்ற ஆட்டத்தில் ஜமைக்கா தல்லாவாஸ் - பார்படோஸ் டிரிடென்ட்ஸ் அணிகள் மோதின. டாஸ் வென்ற ஜமைக்கா பந்து வீச்சு தேர்வு செய்தது.

அதன்படி பார்படோஸ் அணியின் வெயின் ஸ்மித், ஹசிம் அம்லா ஆகியோர் தொடக்க வீரர்களாக களம் இறங்கினார்கள். வெயின் ஸ்மித் 18 ரன்னிலும், ஹசிம் அம்லா 15 ரன்னிலும் ஆட்டமிழந்தனர். அதன்பின் வந்த மார்ட்டின் கப்தில் ரன்ஏதும் எடுக்காமல் டக்அவுட் ஆனார்.

அதன்பின் வந்த ஸ்டீவன் ஸ்மித் 44 பந்தில் 63 ரன்களும், ஷாய் ஹோப் 35 பந்தில் 43 ரன்களும் அடிக்க 20 ஓவரில் 6 விக்கெட் இழப்பிற்கு 156 ரன்கள் சேர்த்தது.

பின்னர் 157 ரன்கள் அடித்தால் வெற்றி என்ற இலக்குடன் ஜமைக்கா அணி களம் இறங்கியது. தொடக்க வீரர் க்ளென் பிலிப்ஸ் 36 ரன்களும், ஜான்சன் சார்லஸ் 42 ரன்களும் அடித்து வெளியேறினார்கள். 3-வது வீரராக களம் இறங்கிய கென்னார் லெவிஸ் 17 ரன்னில் வெளியேறினார்.



4-வது விக்கெட்டுக்கு ராஸ் டெய்லருடன் டேவிட் மில்லர் ஜோடி சேர்ந்தார். அப்போது ஜமைக்கா அணியின் வெற்றிக்கு 7.1 ஓவரில் (43 பந்தில்) 57 ரன்கள் தேவைப்பட்டது. ஆனால் இருவரும் கடைசி வரை களத்தில் நின்றும் 57 ரன்கள் அடிக்க முடியவில்லை. அவர்களால் 20 ஓவரில் 3 விக்கெட் இழப்பிற்கு 154 ரன்கள் மட்டுமே எடுக்க முடிந்தது. இதனால் பார்படோஸ் அணி 2 ரன் வித்தியாசத்தில் வெற்றி பெற்றது.

கரிபியன் பிரீமியர் லீக் டி20 தொடரில் செயின்ட் லூசியாவில் நேற்று நடைபெற்ற ஆட்டத்தில் பொல்லார்டு தலைமையிலான செயின்ட் லூசியா ஸ்டார்ஸ் - கிறிஸ் கெய்ல் தலைமையிலான செயின்ட் கிட்ஸ் அண்டு நேவிஸ் பேட்ரியாட்ஸ் அணிகள் மோதின.

டாஸ் வென்ற கிறிஸ் கெய்ல் பந்து வீச்சு தேர்வு செய்தார். அதன்படி பொல்லார்டு தலைமையிலான செயின்ட் லூசியா ஸ்டார்ஸ் அணி களம் இறங்கியது. செயின்ட் கிட்ஸ் அண்டு நெவிஸ் பேட்ரியாட்ஸ் அணியின் பந்து வீச்சை தாக்குப்பிடிக்க முடியாமல் பொல்லார்டு அணி 12.3 ஓவர்கள் மட்டுமே விளையாடி 69 ரன்னில் சுருண்டது. செயின்ட் கிட்ஸ் அண்டு நெவிஸ் பேட்ரியாட்ஸ் அணியின் ஷெல்டன் காட்ரெல் 3 விக்கெட்டும், மெஹ்முதுல்லா, சந்தீப் லாமிச்சேன் தலா இரண்டு விக்கெட்டுக்களும் வீழ்த்தினார்கள்.


தாமஸ்

பின்னர் 70 ரன்கள் எடுத்தால் வெற்றி என்ற இலக்குடன் களம் இறங்கிய செயின்ட் கிட்ஸ் அண்டு நெவிஸ் பேட்ரியாட்ஸ் 7.4 ஓவரில் 3 விக்கெட் இழப்பிற்கு 70 ரன்கள் எடுத்து 7 விக்கெட் வித்தியாசத்தல் அபார வெற்றி பெற்றது.

இந்த தோல்வியின் மூலம் செயின்ட் லூசியா 6 போட்டியில் ஒரு வெற்றி, 5 தோல்விகளுடன் கடைசி இடத்தை பிடித்துள்ளது.

கரிபியன் பிரீமியர் லீக் தொடரின் 12-வது ஆட்டம் புளோரிடாவில் நேற்று நடைபெற்றது. இதில் ஜமைக்கா தல்லாவாஸ் - டிரின்பாகோ நைட் ரைடர்ஸ் அணிகள் மோதின.

டாஸ் வென்ற டிரின்பாகோ பந்து வீச்சு தேர்வு செய்தது. அதன்படி ஜமைக்கா தல்லாவாஸ் முதலில் பேட்டிங் தேர்வு செய்தது. அந்த அணியின் தொடக்க வீரரும், விக்கெட் கீப்பரும் ஆன க்ளென் பிலிப்ஸ் 55 பந்தில் 80 ரன்களும், டேவிட் மில்லர் ஆட்டமிழக்காமல் 34 பந்தில் 72 ரன்களும் குவிக்க 20 ஓவரில் 5 விக்கெட் இழப்பிற்கு 182 ரன்கள் குவித்தது.

பின்னர் 182 ரன்கள் அடித்தால் வெற்றி என்ற இலக்குடன் டிரின்பாகோ நைட் ரைடர்ஸ் அணி களம் இறங்கியது. தொடக்க வீரர் சுனில் நரைன் டக்அவுட்டிலும், கிறிஸ் லின் 2 ரன்னிலும் வெளியேறினார்கள்.



அதன்பின் வந்த கொலின் முன்றோ 51 பந்தில் 67 ரன்கள் சேர்த்தார். டேரன் பிராவோ 35 பந்தில் 50 ரன்கள் சேர்த்தார். கேப்டனும் ஆல்ரவுண்டரும் ஆன வெயினி் பிராவோ 11 பந்தில் 5 சிக்சருடன் 36 ரன்கள் குவித்து கடைசி ஓவரில் ஆட்டமிழந்தார்.

கடைசி பந்தில் இரண்டு ரன்கள் தேவை என்ற நிலையில் ஜவோன் சியர்லெஸ் பவுண்டரி விளாச டிரின்பாகோ நைட் ரைடர்ஸ் 20 ஓவரில் 6 விக்கெட் இழப்பிற்கு 184 ரன்கள் சேர்த்து த்ரில் வெற்றி பெற்றது.

கரிபியன் பிரீமியர் லீக் தொடரின் 11-வது ஆட்டம் பிளோரிடாவில் நடைபெற்றது. இதில் சோயிப் மாலிக் தலைமையிலான கயானா அமேசான் வாரியர்ஸ் - அந்த்ரே ரஸல் தலைமையிலான ஜமைக்கா தல்லாவாஸ் அணிகள் மோதின.

டாஸ் வென்ற கயானா அமேசான் வாரியர்ஸ் பேட்டிங் தேர்வு செய்தது. அந்த அணியின் 3-வது வீரர் ஷிம்ரோன் ஹெட்மையர் 49 பந்தில் 100 ரன்னும், கேப்டன் சோயிப் மாலிக் 33 பந்தில் 50 ரன்னும் அடிக்க 20 ஓவரில் 7 விக்கெட் இழப்பிற்கு 209 ரன்கள் குவித்தது.

பின்னர் 210 ரன்கள் அடித்தால் வெற்றி என்ற இலக்குடன் அந்த்ரே ரஸல் தலைமையிலான ஜமைக்கா தல்லாவாஸ் களம் இறங்கியது. தொடக்க வீரர் கென்னர் லெவிஸ் 14 ரன்னில் ஆட்டமிழந்தார். மற்றொரு தொடக்க வீரர் பிலிப்ஸ் 43 ரன்கள் எடுத்தும் ஆட்டமிழந்தனர்.



ராஸ் டெய்லர் 30 ரன்கள் எடுத்து ஆட்டமிழந்தார். அதன்பின் வந்த மில்லர், ரோவ்மேன் பொவேல் அந்த்ரே ரஸல் சொற்ப ரன்களில் வெளியேற, ஜமைக்கா தல்லாவாஸ் 16.2 ஓவர்கள் மட்டுமே தாக்குப்பிடித்து 138 ரன்களில் சுருண்டது. அந்த்ரே ரஸல் தலைமையிலான ஜமைக்கா தல்லாவாஸ் 71 ரன் வித்தியாசத்தில் படுதோல்வியடைந்தது.

கரிபியன் பிரீமியர் லீக் டி20 கிரிக்கெட் தொடர் வெஸ்ட் இண்டீஸில் நடைபெற்று வருகிறது. உள்ளூர் நேரப்படி நேற்று நடைபெற்ற 9-வது லீக் ஆட்டத்தில் செயின்ட் லூசியா - டிரின்பாகோ நைட் ரைடர்ஸ் அணிகள் மோதின.

முதலில் பேட்டிங் செய்த லூசியா 2 விக்கெட் இழப்பிற்கு 212 ரன்கள் குவித்தது. பின்னர் 213 ரன்கள் அடித்தால் வெற்றி என்ற இலக்குடன் டிரின்பாகோ நைட் ரைடர்ஸ் களம் இறங்கியது. டிரின்பாகோ நைட் ரைடர்ஸ் 15  ஓவர் முடிவில் 3 விக்கெட் இழப்பிற்கு 128 ரன்கள் அடித்திருந்தது.

கடைசி 5 ஓவரில், அதாவது 30 பந்தில் 85 ரன்கள் தேவைப்பட்டது. அப்போது மெக்கல்லம், டேரன் பிராவோ களத்தில் இருந்தனர்.



16-வது ஓவரை பொல்லார்டு வீசினார். டேரன் பிராவோ பந்தை எதிர்கொண்டார். முதல் நான்கு பந்துகளிலும் இமாலய சிக்ஸ் விளாசினார் பிராவோ. ஐந்தாவது பந்தை தூக்கி அடித்தார். பந்து பேட்டில் சரியாக படாததால் மிட்ஆஃப் திசையில் சென்றது. அதில் இரண்டு ரன்கள் கிடைத்தது. சிக்ஸருக்குத்தான் முயற்சி செய்தார். ஆனால், இரண்டு ரன்களே கிடைத்தது.

அடுத்த பந்தை மீண்டும் சிக்சருக்கு தூக்கினார். இதனால் ஒரே ஓவரில் 32 ரன்கள் விளாசினார் டேரன் பிராவோ. பொல்லார்டு ஒரே ஓவரில் 32 ரன்கள் விட்டுக் கொடுத்ததால் அடுத்த 24 பந்தில் 53 ரன்கள் தேவைப்பட்டது. ஒரு பந்து மீதமுள்ள நிலையில் 53 ரன்கள் எடுத்து அசத்தல் வெற்றி பெற்றது டிரின்பாகோ நைட் ரைடர்ஸ்.

கரிபியன் பிரீமியர் லீக் தொடரின் 9-வது ஆட்டம் உள்ளூர் நேரப்படி நேற்றிரவு நடைபெற்றது. செயின்ட் லூசியா ஸ்டார்ஸ் அணிக்கெதிரான ஆட்டத்தில் டிரின்பாகோ நைட் ரைடர்ஸ் டாஸ் வென்று பந்து வீச்சு தேர்வு செய்தது.

அதன்படி செயின்ட் லூசியா ஸ்டார்ஸ் அணியின் அந்த்ரே பிளெட்சர், டேவிட் வார்னர் ஆகியோர் தொடக்க வீரர்களாக களம் இறங்கினார்கள். பிளெட்சர் 17 ரன்னில் ஆட்டமிழந்தார். அடுத்து வார்னர் உடன் ரஹீம் கார்ன்வால் ஜோடி சேர்ந்தார். இந்த ஜோடி சிறப்பான ஆட்டத்தை வெளிப்படுத்தியது. கார்ன்வால் 29 பந்தில் 63 ரன்கள் சேர்த்து ஆட்டமிழந்தார்.


கார்ன்வால்

3-வது விக்கெட்டுக்கு வார்னர் உடன் கேப்டன் பொல்லார்டு ஜோடி சேர்ந்தார். இந்த ஜோடியும் அபாரமான ஆட்டத்தை வெளிப்படுத்தியது. வார்னர் 72 ரன்னும், பொல்லார்டு 23 பந்தில் 65 ரன்னும் விளாசி கடைசி வரை ஆட்டமிழக்காமல் இருக்க செயின்ட் லூசியா 20 ஓவரில் 2 விக்கெட் இழப்பிற்கு 212 ரன்கள் குவித்தார்.

பின்னர் 213 ரன்கள் எடுத்தால் வெற்றி என்ற இலக்குடன் டிரின்பாகோ நைட் ரைடர்ஸ் களம் இறங்கியது. பிரெண்டன் மெக்கல்லம் 42 பந்தில் 68 ரன்களும், டேரன் பிராவோ அவுட்டாகாமல் 36 பந்தில் 94 ரன்களும் விளாச 19.5 ஓவரில் 5 விக்கெட் இழப்பிற்கு 218 ரன்கள் அடித்து வெற்றி பெற்றது.

கிரிபியன் பிரீமியர் லீக்கில் நேற்று இரண்டு ஆட்டங்கள் நடைபெற்றது. ஒரு ஆட்டத்தில் கயானா அமேசான் வாரியர்ஸ் - செயின்ட் லூசியாக ஸ்டார்ஸ் அணிகள் பலப்பரீட்சை நடத்தின.

முதலில் பேட்டிங் செய்த கயானா அமேசான் வாரியர்ஸ் 4 விக்கெட் இழப்பிற்கு 141 ரன்கள் சேர்த்தது. லூக் ரோஞ்சி 42 ரன்களும், சாத்விக் வால்டன் 31 ரன்களும் சேர்த்தனர்.

பின்னர் 142 ரன்கள் எடுத்தால் வெற்றி என்ற இலக்குடன் களம் இறங்கிய செயின்ட் லூசியா ஸ்டார்ஸ் அணியால் 20 ஓவரில் 7 விக்கெட் இழப்பிற்கு 138 ரன்களே எடுக்க முடிந்தது. இதனால் கயானா அணி 3 ரன்கள் வித்தியாசத்தில் வெற்றி பெற்றது. லென்டில் சிம்மன்ஸ் 45 ரன்களும், பொல்லார்டு 32 ரன்களும் எடுத்து பயனில்லாமல் போனது.



மற்றொரு ஆட்டத்தில் செயின்ட் கிட்ஸ் அண்டு நேவிஸ் பேட்ரியாட்ஸ் - டிரின்பாகோ நைட் ரைடர்ஸ் அணிகள் மோதின. முதலில் பேட்டிங் செய்த செயின்ட் கிட்ஸ் 20 ஓவரில் 7 விக்கெட் 203 ரன்கள் குவித்தது. கிறிஸ் கெய்ல் 35 ரன்களும், தேவன் தாமஸ் 58 ரன்களும் சேர்த்தனர்.

பின்னர் 204 ரன்கள் அடித்தால் வெற்றி என்ற இலக்குடன் டிரின்பாகோ நைட் ரைடர்ஸ் அணி களம் இறங்கியது. அந்த அணியால் 161 ரன்கள் மட்டுமே எடுக்க முடிந்தது. இதனால் செயின்ட் கிட்ஸ் 42 ரன்கள் வித்தியாசத்தில் வெற்றி பெற்றது. கொலின் முன்றோ 41 ரன்களும், வெயின் பிராவோ 41 ரன்களும், கெவோன் கூப்பர் 42 ரன்களும் சேர்த்தனர்.

கரிபியன் பிரீமியர் லீக் தொடரின் 2018 சீசன் நேற்று தொடங்கியது. உள்ளூர் நேரப்படி நேற்றிரவு நடைபெற்ற முதல் ஆட்டத்தில் வெயின் பிராவோ தலைமையிலான டிரின்பாகோ நைட் ரைடர்ஸ் - பொல்லார்டு தலைமையிலான செயின்ட் லூசியா ஸ்டார்ஸ் அணிகள் மோதின.

டாஸ் வென்ற செயின்ட் லூசியா பந்து வீச்சு தேர்வு செய்தது. அதன்படி டிரின்பாகோ நைட் ரைடர்ஸ் அணியின் கிறிஸ் லின், சுனில் நரைன் ஆகியோர் தொடக்க வீரர்களாக களம் இறங்கினார்கள். கிறிஸ் லின் 8 ரன்னிலும், சுனில் நரைன் 17 ரன்னிலும் ஆட்டமிழந்தார்.

அதன்பின் வந்த கொலின் முன்றோ 48 பந்தில் 68 ரன்கள் குவித்தார். பிராண்டன் மெக்கல்லம் 13 ரன்னில் வெளியேற விக்கெட் கீப்பர் தினேஷ் ராம்தின் 27 பந்தில் 50 ரன்கள் அடிக்க டிரின்பாகோ நைட் ரைடர்ஸ் 20 ஓவரில் 6 விக்கெட் இழப்பிற்கு 195 ரன்கள் குவித்தது.

பின்னர் 196 ரன்கள் எடுத்தால் வெற்றி என்ற இலக்குடன் செயின்ட் லூசியா ஸ்டார்ஸ் அணியின் அந்த்ரே பிளெட்சர், டேவிட் வார்னர் ஆகியோர் தொடங்க வீரர்களாக களம் இறங்கினார்கள். பிளெட்சர் 11 பந்தில் 19 ரன்கள் சேர்த்தார். ஆனால் முதன்முறையாக சிபிஎல் தொடரில் களம் இறங்கிய வார்னர் 9 பந்தில் 9 ரன்கள் எடுத்து வெளியேறினார்.


கொலின் முன்றோ

அதன்பின் வந்த லென்டில் சிம்மன்ஸ், கார்ன்வால், மார்க் சேப்மான் சொற்ப ரன்களில் வெளியே செயின்ட் லூசியா அணி தடுமாறியது.

கேப்டனும், அதிரடி வீரரும் ஆன பொல்லார்டு 27 பந்துகளை சந்தித்து 12 ரன்னில் வெளியேற 17.3 ஓவரில் 95 ரன்னில் சுருண்டது. இதனால் டிரின்பாகோ நைட் ரைடர்ஸ் 100 ரன் வித்தியாசத்தில் வெற்றி பெற்றது. வெயின் பிராவோ 3 விக்கெட்டுக்கள் வீழ்த்தி அசத்தினார்.